कैद

उरली अता हिशेबी, कोरी विदीर्ण पाने
अन आज काळ भरतो, सारे रिते रकाने

उरले कुणीच नाही, ते आज ओळखीचे
लांबून हात केला, माझ्याच आठवाने

झाली पहाट पुन्हा, मैफ़ल थकून गेली
स्वर्गात मंद झाली, सारीच शामदाने

बसलास कोणत्या तू, जाऊन दूरदेशी?
धुंडाळले अता मी, सारे तुझे ठिकाने

मी कोणतीच त्याला, जरि याचना न केली
अर्धीच संपवावी, ही कैद का तयाने?

हरिणी मुकी बिचारी, कुरणी विसावलेली
हा घातलाच घाला, त्या क्रूर श्वापदाने